Lest we forget

[chickenfeet]

Today politicians all over the British Empire (except Newfoundland) will take a brief pause to laud those who died protecting "freedom and democracy" before going back to destroying them.  So, in the spirit of ending wars fought so that braggarts can crousely craw, I give you Hamish Henderson's Freedom Come Aa Ye.

Roch the win i the clear day's dawin
Blaws the clouds heilster-gowdie owre the bay
But thair's mair nor a roch win blawin
Thro the Great Glen o the warl the day
It's a thocht that wad gar our rottans
Aa thae rogues that gang gallus fresh an gay
Tak the road an seek ither loanins
Wi thair ill-ploys tae sport an play

Nae mair will our bonnie callants
Merch tae war whan our braggarts crousely craw
Nor wee weans frae pitheid an clachan
Murn the ships sailin doun the Broomielaw
Broken faimilies in launs we've hairriet
Will curse 'Scotlan the Brave' nae mair, nae mair
Black an white ane-til-ither mairriet
Mak the vile barracks o thair maisters bare

Sae come aa ye at hame wi freedom
Never heed whit the houdies croak for Doom
In yer hous aa the bairns o Aidam
Will fin breid, barley-bree an paintit room
Whan MacLean meets wi's friens in Springburn
Aa thae roses an geeans will turn tae blume
An a black laud frae yont Nyanga
Dings the fell gallows o the burghers doun.